Hain justu, urriaren 15eko Lurraldea Batzordean Javier Zubizarreta alkateak gainerako alderdi politikoetako ordezkariei espedientearen eta egoeraren berri eman zien.
Oro har, Udalak ez du ematen irekita dituen espediente zigortzaileen berri. Kasu honetan, ordea, beharrezkoa ikusi da Urola Bizirik elkarteak jakinarazi ostean salaketa jarri duela Gipuzkoako Ingurumen Fiskaltzaren aurrean Loizubi erreka inguruan gertatzen ari dena legez kanpoko jarduera izan daitekeela uste duelako.