Basarteko Gurutze Donearen Lekaimetxea

1691n sortua, Euskal Herriko elizarik ederrenetakoa da. Erretaula barrokoez gain, san Pazifikoren erlikia historiko bat du eta Kristo santuaren irudi bat ere bai, tradizioak dioenez inguruetako nekazariek aurkitu zutena. Korupean Sakramentu txit santuaren Ama Josefa doatsuaren hilobia dago. Urtero maiatzean egin ohi diren Udaberriko Kontzertu ezagunak hemen egiten dira. Lekaimetxe honetan Brigidatarrak bizi dira.

Santa Klara Lekaimetxea

1589an Erregearen Entzule Francisco de Zuazola y Floreagak sortua. Elzia barrokoa du eta hura egiteko lanetan Longa, Ibero eta Anillo arkitektu eta erretaualgileak aritu ziren. Lekaimetxe honetan, sortu zenetik, Klaratarren lekaime-talde bat bizi da.

Urrategiko Amaren Elizatxoa

1617an Fantzisko Lopez Irarragakoak sortu zuen eta Sortze Garbiari eskainia dago. Urrategiko gure Amaren irudia Azkoitiko zaindari izendatu zen 1950ean, koroatua izan zenean.

Aizpurutxoko San Agustin Eliza

Eliza neoerrenazentista, 1905ean Aizpurutxoko nekazaritza-gunean eraikia. Barruan, Errosarioko Amaren taila barroko garrantzitsua du.

Xabier de Muniberi monumentua

Xebas Larrañaga egile azkoitiarrak egindako lana, kultura arloan hain ezagunak diren Azkoitiko Zalduntxoen sortzailea omentzeko.

 

Balentin Olanori monumentua

Jose Lopetegi egileak 1951an egindako lana, Balentin Olano politikari eta hizlari ospetsua hil zeneko bigarren mendeurrenerako.

 

Mariano Juaristi 'Atano III' pilotariari omenaldia

Jose Lopetegi egileak egindako eskultura. Pilotariaren eskuen erreprodukzioa, berriz, Luis Uzin egilearena da, eta multzo guztia Tomas de Ugartemendiak egindako fondo artistiko batean dago bateratua, Azkoitiko Gurea Pilotalekuan.

 

Erietxearen Arkua

Azkoitian XVI. mendean zegoen Pietateko Erietxe edo ospitalera sartzeko atalburuko arkua. 2003an ekarri zen lehu honetara.

 

Euskal Herriari Omenaldia

José Alberdi “Burruntxali” egile azkoitiarrak 1996an altzairuan egindako eskultura. Egile honek formato haundian egindako azken lana da.

 

© 2019 Azkoitiko Udala. Lege oharra

Webgune honek cookie propioak eta besteenak erabiltzen ditu, nabigazio zerbitzuak hobetzeko asmoz. Nabigatzen jarraitzen baduzu, gure cookieen politika onartzen duzula ulertuko dugu.