Agenda

KURT LUEDERS organista PASCALE KARAMPOURNIS bibolina. Organo Erromantikoaren Nazioarteko XXII. Zikloa

  • 2021-10-16 20:00

KURT LUEDERS 

Kurt Lueders Yaleko Unibertsitateko lizentziaduna da eta bere organo-ezagutzak Parisen hobetu zituen, Maurice Duruflé, Edouard Souberbielle eta André Fleury irakasleekin. Organo Ekoizleen Nazioarteko Sozietateko (ISO) idazkaria izan zen, Alexandre Guilmant-i buruzko doktorego-tesi bat 2002an Sorbonako Unibertsitatean defendatu baino lehenago.
XIX. mendeko organoaz eta hari buruzko literaturaz duen jakintza-maila dela-eta, artikulu ugari argitaratu ditu, eta kontzertu eta hitzaldiak eman ditu mundu osoan, bai eta edizio-proiektu askotan parte hartu ere, hala nola harizko tresnetarako eta organorako musika erromantiko originalari buruzko bost antologia (Butz argitaletxea, Bonn). Parisko Sorbonako Unibertsitatean irakatsi du, eta organoko eta akonpainamenduko eskolak eman ditu 25 urtez Plaisireko Kontserbatorioan (Yvelines). Gaur egun, Kurt Lueders Espiritu Santuaren Eliza Protestante Batuaren organista da, eta horrez gain, itzulpengintza espezializatuko lanak egiten
ditu.

PASCALE KARAMPOURNIS

Pascale Karampournis Jean Lénert-en ikasle izan zen Aulnay-sous-Bois-eko kontserbatorioan, eta geroago, hiru lehen sari lortu zituen Aubervilliers-eko eskualdeko kontserbatorio nazionalean, bai eta bikaintasun-sari bat ganbera-musikan ere, Hauts-de-Seine departamentuko lehiaketan. Biolineko estatu-mailako diploma du, eta gaur egun, Fontenay-le-Fleury-ko Musika Eskolako Zuzendaria da eta biolin-eskolak ematen ditu bertan. Pasdeloup orkestrako biolin-jotzaile titularra da 1986tik, izen handiko zuzendari askorekin jardun du, eta errepertorio aberats eta askotarikoa landu du: barroko musika, musika garaikideko
hainbat estilo, komedia musikala, etab.

ORGANO ZIKLOAREN EGITARAUA

Lekua
Parrokia

Powered by iCagenda