“Ondo goaz, hobetu dezagun” sentsibilizazio kanpaina

“Ondo goaz, hobetu dezagun” sentsibilizazio kanpaina

Azkoitiko Udalak eta Urola Erdiko Mankomunitateak elkarlanean “Ondo goaz, hobetu dezagun” sentsibilizazio kanpaina abiatuko dute hondakinen gaikako bilketan aurrerapausuak ematen…

Gehiago...
Javier Zubizarreta alkatea: “Eman diezaizkiogun euskarari arnasa eta hegoak urteko 365 egunetan”

Javier Zubizarreta alkatea: “Eman diezaizkiogun euskarari arnasa eta hegoak urteko 365 egunetan”

Euskararen Nazioarteko Egunaren harira, Herriko plaza goraino bete dute gaur Xabier Munibe Ikastolako, Floreaga Ikastetxeko eta Azkoitia BHIko LH eta…

Gehiago...
"Azkoitia Osasuntsua, Azkoitia Bizia": familiekin saio irekia eta galdetegia egingo dira

"Azkoitia Osasuntsua, Azkoitia Bizia": familiekin saio irekia eta galdetegia egingo dira

Azkoitiko Udala parte-hartze prozesu bat bultzatzen ari da Adikzioen Prebentzio Komunitarioari buruzko Udal plana eta Azkoitiko Osasun Mahai Komunitarioa sortzeko…

Gehiago...
Frontpage Slideshow | Copyright © 2006-2011 JoomlaWorks Ltd.

Iraurgi Lantzenek kudeatutako enpresa egitasmo berriak erdira jaitsi dira

Kontuz, leiho berrian zabalduko da PDF fitxategiaInprimatuE-posta

2013/06/10, Astelehena - 11:19

iraurgilantz.pngIraurgi Lantzenek, enpresa egitasmo berriak bultzatzeko zerbitzuaren balantzea egin du, urtearen lehen seihilabetekoaren barne. 2012an zehar, 47 ekintzaile potentzialen kontsultak jaso dira, eta hauen ondorioz, hainbat bideragarritasun plan eman dira aurrera, eta hauetatik 7 baino ez dira bukaeraraino iritsi. Orokorrean, kontsulta kopurua mantendu egin da, baina abian jarri diren proiektuek izugarrizko jaitsiera jasan dute. Kontuan izan urtean batez beste 15-20 proiektu ipintzen zirela martxan.

 

   

Abian da IKT-Web aplikazioen garapena ikastaroa

Kontuz, leiho berrian zabalduko da PDF fitxategiaInprimatuE-posta

2013/06/10, Astelehena - 11:09

loiolaberrkuntza.pngUrola Erdiko Enplegu Planaren baitan eta Lanbidek finantziatuta eskualdeko langabetuei zuzenduriko formakuntza espezializatua abian jarri da; 2013ko ekainaren 4an eman zaio hasiera eta uztailaren 12an amaitzea aurreikusten da. Loiola Berrikuntzak Mondragon Unibertsitatearekin elkarlanean antolatu du "IKT-Web Aplikazioen Garapena" izenpean.Ikastaro honetako parte-hartzaileak ezinbestekoak diren bi baldintza betetzen dituzte; alde batetik, langabetuak dira, eta, bestalde, Urola Erdian erroldatuak daude (Azpeitia, Azkoitia, Errezil, Aizarnazabal, Zestoa edo Beizaman). Horrez gain, goi-mailako ikasketak dituzte informatika eta komunikazioan edo ingenieritza informatikoan.

 

   

Zurrumurruak gelditzeko, aldarte ona

Kontuz, leiho berrian zabalduko da PDF fitxategiaInprimatuE-posta

2013/06/06, Osteguna - 07:52

zurrumurru3.jpgAmaitu dira zurrumurruen kontrako tailerrak. SOS arrazakeria elkarteko hiru adituk aurreiritzi eta esamesei aurre egiteko pautak eman dituzte hiru saiotan, eta bertaratutako dozenaka lagunek formazio berezitua jaso dute. Azkeneko saioan Rafa Crespo Xarxa Antirumors elkarteko kideak eman zuen. Katalunian hainbat elkarte, udal eta talde sozialekin lan egindakoa da Crespo, eta besteak beste, argi ikusi du zurrumurru eta esamesei aurre egiteko aldarte ona ezinbestekoa dela. Aurrean duzunari datu objetibo eta lezio objetiboak eman baino, beti ere tonu egokian, enpatizatuz eta galderak eginez, aurreiritzi hori zalantzan jartzean dagoela gakoa adierazi zuen, besteak beste. Horrez gain, Katalunian egindako hainbat kanpaina ere azaldu zituen, Azkoitirako erabilgarriak izan daitezkelakoan. Tailerra oso praktikoa izan zen, eta bertaratutakoak "oso interesgarritzat" jo zuten.

 

   

Ostegunetik aurrera, garagardo azoka, bi asteburuz

Kontuz, leiho berrian zabalduko da PDF fitxategiaInprimatuE-posta

2013/06/05, Asteazkena - 12:07

garagardo.pngISB Iraurgi Saskibaloi elkartearen aldeko V. Garagardo azoka bihar arratsaldean irekiko dute: 20:00etan egingo da inaugurazio ekitaldia, eta hortik aurrera, bi asteburuz egongo da garagardoaz, jaki goxoez eta musika zein bestelako ekitaldiez gozatzeko aukera. Anaitasunako jubenilek inauguratuko dute azoka, aurten egindako denboraldi onaren errekonozimendu gisa. Ostiralean, berriz, bertsolari, trikitilari eta musikariek jaialdi berezia egingo dute, eta gainerako egunetan ere izango da zer ikusia. 11 garagardo ezberdin egongo dira dastatatzeko, eta jatekoen aukera ere zabala izango da. Udalaren eta Azkoitiko Tabernarien elkartearen babesa du azoka honek.

 

   

Bai Euskarari zozketako bi saridunek astelehenera arte dute saria jasotzeko epea

Kontuz, leiho berrian zabalduko da PDF fitxategiaInprimatuE-posta

2013/06/05, Asteazkena - 08:54

baieuskarari.pngBai Euskarari Ziurtagiridun saltokietan egindako zozketako hiru saridunetatik bakarra agertu da, oraingoz. 2282 zenbakidun txartela Axen Alberdi "Aiztarri"k zuen, eta jaso du 200 euroko erosketa txartela. Beste biak, ordea agertzeko daude:  0002 zenbakia, Aldalur gizonezkoen jantzien dendan saldutakoa eta 2010, Dean tabernan saldutakoa. Bi txartel horien jabeek astelehenera arte dute saria jasotzeko epea; agertu ezean, ordezkoak sarituko dira: 2186,  FK kopistegian saldutakoa, eta 2090, Dean tabernan saldutakoa.

 

   

orrialdea: 355 / 403

<< Hasiera < Aurrekoa 351 352 353 354 355 356 357 358 359 360 Hurrengoa > Amaiera >>

www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut