Iraurgi Berritzenek, eskualdeko Garapen eta Berrikuntza Agentziak, establezimenduen eskualdatzea ardatz hartuta lan lerro ezberdinak jarri ditu abian.
Eskualdean, kezka sortzen duen egoera bati erantzuna ematera dator ekimena. Azken urteetan, ekonomikoki errentagarriak izanda ere izaera ezberdineko establezimendu ugarik itxi ditu bere ateak. Hauetako asko, errelebo edo jarraipen ezagatik itxi dira honek eskualdeko herriguneetan, enpleguan nahiz ehun ekonomikoan duen eragin nabarmenarekin.
Igande arratsaldeetako umeen zine emanaldietan azkenaldian sortu diren arazoak saihesteko asmoz, bederatzi urtez azpiko umeak heldu batekin joan beharko dute Baztartxora.
Guraso askok haurrak bakarrik uzten dituzte eta filmaren amaieran jaso. Tartean, ordea, ez dute nork zaindu eta gertatu izan da Baztartxoko arduradunek umeak artatu beharra izatea.
Horregatik, Baztartxok eta Udalak eskatu dute mesedez aipatu adinetik beherako umeak heldu batez lagunduta joan daitezela.
Atzoko udal osoko bilkurak 2020ko Ordenantza Fiskalei behin behineko onarpena eman zien. Orokorrean Udalaren proposamena da etxebizitzen eta landa lurren kontribuzioa edo Ondasun Higiezinen Zerga (OHZ-IBI) bere horretan mantentzea eta iazko EAEko KPIan oinarrituz, %1eko igoera aplikatzea gainerako tasa eta zerga gehienei. Industria ondareei %1eko igoera erantsiko zaie OHZn.
Udalak Azkoitiko Mapa Morea egiteko parte-hartze prozesua abiatu du. Mapa Morea genero ikuspegitik egindako hiri-diagnostikoa da. Gaur aurkeztu du proiektua Berdintasun zinegotzi Mertxe Zubillagak, Maider Urbieta berdintasun teknikariarekin eta Patxi Galarraga arkitektoarekin batera.
Al | Ar | Az | Og | Or | Lr | Ig |
---|---|---|---|---|---|---|
22
| ||||||