Marea Urdinak piztuko du aurtengo San Juan sua

Marea Urdinak piztuko du aurtengo San Juan sua

Marea Urdinak piztuko du aurtengo San Juan sua hilaren 23an, San Juan bezperan. Autismoaren inguruan gizartea sentsibilizatu eta pairatzen duten…

Gehiago...
Euskaraldiarekin bat egin duen hamaikakoa

Euskaraldiarekin bat egin duen hamaikakoa

 Euskaraldiarekin bat egin duen hamaikakoa osatu da Azkoitian. Genero, adin eta esparru ezberdinetako hamaika herritar erreferentek osatu dute taldea. Helburua…

Gehiago...
Zortzi saltokik lortu dute “Lagunkoiak gara” zigilua

Zortzi saltokik lortu dute “Lagunkoiak gara” zigilua

Azkoitia Lagunkoiak sustatuta, herriko zortzi saltokik eskuratu dute “Lagunkoiak gara” zigilua. Aurrez, programa batean hartu behar izan dute parte. Bertan,…

Gehiago...
Frontpage Slideshow | Copyright © 2006-2011 JoomlaWorks Ltd.

Chit chat bar hop edo pintxo-potea ingelesez ostegun honetan

Kontuz, leiho berrian zabalduko da PDF fitxategiaInprimatuE-posta

2018/05/08, Asteartea - 08:41

tony

Ostegun honetan, maiatzak 10, Chit Chat Bar Hop edo pintxo-potea ingelesez egingo da Gaztanenea Formakuntza Zentroak antolatuta. Tony Byrne jatorrizko ingeles hiztunak gidatuko du saioa 19:30etik 21:00etara.

Taldea 19:30ean Gaztanenean bilduko da. Ekimena doakoa eta irekia da, ingelesa praktikatu nahi duten herritar guztiei zuzendua. Aisialdiaz ingelesez gozatzeko parada aproposa.

   

Idiakez Ederra etxetik 408 tona hondakin atera dituzte

Kontuz, leiho berrian zabalduko da PDF fitxategiaInprimatuE-posta

2018/05/07, Astelehena - 08:38

IMG 5953

Idiakez Ederra Etxea husteaz arduratu den enpresak 408 tona hondakin atera ditu bertatik, hondakinez goraino betetako 75 edukiontzi, alegia. Eusko Jaurlaritzako, Gipuzkoako Foru Aldundiko eta Visesa sozietate publikoko teknikariek, Javier Zubizarreta alkatearekin batera, eraikina bisitatu dute lanak gainbegiratzeko eta proiektuaren garapenari jarraipena egiteko. Obra zuzendariak azaldu die nola doan proiektua ikuspegi tekniko eta estetikotik, edota hirigintza eta ondare aldetik. Ikusi irudiak:

   

Emakumeak ahalduntzeko ikastaroen baitan, autodefentsa saioak emango ditu Anaitasuna Kanku Karate Elkarteak

Kontuz, leiho berrian zabalduko da PDF fitxategiaInprimatuE-posta

2018/05/03, Osteguna - 13:56

IMG 6059

Udalak antolaturiko emakumeak ahalduntzeko eskaintzaren baitan, autodefentsa ikastaroak emango ditu Anaitasuna Kanku  Karate Elkarteak maiatzaren 12tik aurrera. Ikastaroak hileko bigarren larunbatetan izango dira urte osoan zehar Elkargunean 10:00etatik 13:00era bitartean. Gaur aurkeztu dute ekimena udaletxean Nekane Larrañaga zinegotziak eta Kanku elkarteko arduradunek, Rita Juaristik eta Juan Murillok.

Autodefentsa ikastaroetan parte hartu nahi dutenek izena emateko aukera dute maiatzaren 11 bitartean, udaletxeko Harrera Bulegoan edo Helbide elektroniko honek spam bot-en kontrako babesa du. Ikusteko Javascript-a aktibatu behar duzu helbidera idatzita. Parte hartzea emakume guztientzat zabalik dago eta doakoa da.

   

Oñatiko Ganbara Abesbatzak irekiko du larunbat honetan 27. Udaberriko Musikaldia

Kontuz, leiho berrian zabalduko da PDF fitxategiaInprimatuE-posta

2018/05/03, Osteguna - 07:07

oñatiko ganabra

Oñatiko Ganbara Abesbatza.

Urteroko hitzorduari leial eutsiz, bueltan dira Santa Kutz komentuko maiatzeko larunbat musikalak. Udaberriko Musikaldiaren 27. edizioa indartsu dator eta publikoa ohitua duen moduan, kalitatezko egitarauarekin. Kontzertu guztiak irekiak eta doakoak dira. Larunbat honetan, maiatzaren 5ean, izango da lehenengoa. Oñatiko Ganbara Abesbatzak zabalduko du zikoa arratsaldeko 18:30ean. Udalak autobus zerbitzua jarriko du emanaldiez gozatu nahi dutenentzat. Autobusa 18:00etan aterako da Consum Eroski aurretik eta kontzertu ostean, jaisteko zerbitzua ere izango da. 

Oñatiko Ganbara Abesbatzak Ganbara Orkestra izango du bidelagun, Aitor Biainen zuzendaritzapean. Serenity: XX eta XXI mendeko doinuak ikuskizuna taularatuko dute. Ahots mistoen abesbatza 1994ean eratu zen. 12 gaztek sortu zuten musika korala mailarik gorenenera eramateko xedez. Ordutik taldea hazitzen joan da eta gaur egun 30 lagun inguru dira.

   

Udal Plangintzarako Aholku Batzordearen deialdia

Kontuz, leiho berrian zabalduko da PDF fitxategiaInprimatuE-posta

2018/05/02, Asteazkena - 15:54

Udal Plangintzarako Aholku Batzordea ostiral honetan, maiatzaren 4an, 19:00etan bilduko da Udaletxeko udalbatza aretoan eta deialdia luzatzen zaie bertaratzeko interesa duten herritar guztiei.

Udalak Hirigintza Arauen Testu Baterginaren 4. Aldaketa dokumentuaren izapidetze prozesua abian du eta martxoaren 9ko GAOn argitaratu zen hasierako onespena. Prozedurari jarraipena emateko Udal Plangintzako Aholku Batzordea aste honetan bilduko da.

   

orrialdea: 10 / 373

<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut