Marea Urdinak piztuko du aurtengo San Juan sua

Marea Urdinak piztuko du aurtengo San Juan sua

Marea Urdinak piztuko du aurtengo San Juan sua hilaren 23an, San Juan bezperan. Autismoaren inguruan gizartea sentsibilizatu eta pairatzen duten…

Gehiago...
Euskaraldiarekin bat egin duen hamaikakoa

Euskaraldiarekin bat egin duen hamaikakoa

 Euskaraldiarekin bat egin duen hamaikakoa osatu da Azkoitian. Genero, adin eta esparru ezberdinetako hamaika herritar erreferentek osatu dute taldea. Helburua…

Gehiago...
Zortzi saltokik lortu dute “Lagunkoiak gara” zigilua

Zortzi saltokik lortu dute “Lagunkoiak gara” zigilua

Azkoitia Lagunkoiak sustatuta, herriko zortzi saltokik eskuratu dute “Lagunkoiak gara” zigilua. Aurrez, programa batean hartu behar izan dute parte. Bertan,…

Gehiago...
Frontpage Slideshow | Copyright © 2006-2011 JoomlaWorks Ltd.

Musika egingo da jabe asteburu honetan Azkoitian

Kontuz, leiho berrian zabalduko da PDF fitxategiaInprimatuE-posta

2018/05/15, Asteartea - 09:42

Asteburu Musikala izango da datorrena. Punta-puntako lau kontzertu eskainiko dira ostiralean eta larunbatean. Hirukote bat izango da eszenatokira igotzen lehena. Ignacio Arakistain eta KontzertuaItziar Beitia pianistak eta Claudia Alduncin klarinetistak kontzertua eskainiko dute maiatzak 18an, ostirala, Elkargunean, 19:30ean. Hirurak ibilbide polita ari dira egiten musika munduan.

Bigarren hitzordua Passepartout musika taldearen eskutik izango da egun berean, alegia, maiatzaren 18an. Taldeak bere bigarren lana, “Sinergia” diska berria aurkeztuko du Baztartxo Antzokian, 22:30ean.

Itziar Beitiak,  Jontxu Apek,  Ruben Lizarraldek, Tomas Lizarazuk eta Xabi Arrietak osatzen dute taldea eta 12 abestiko diska atera berri dute labetik.Ilusioz aurkeztuko dute aste honetan herrian.

Musika maitaleentzat beste bi hitzordu izango dira larunbatean, maiatzaren 19an. 12:30ean, Kontzejupean, Getariko eta Azkoitiko Musika Bandak elkarrekin kontzertua emango dute. Eta arratsaldez, Santa Kutz komentuan Udaberriko Musikaldiaren baitan, Duo L’Incontro arituko da 18:30etik aurrera, Itziar Lujanbio oboearekin eta Francesca Romana arparekin, hain zuzen.

Lau emanaldiak doan izango dira. 

   

Udalaren gaitzespen irmoa Parisko azken atentatuaren aurrean

Kontuz, leiho berrian zabalduko da PDF fitxategiaInprimatuE-posta

2018/05/14, Astelehena - 13:03

Udalak irmo gaitzesten du joan den larunbatean Parisen izandako azken eraso terrorista. Poliziak erasotzailea hil zuen, azken horrek pertsona bat hil eta beste zenbait zauritu ostean. Era berean, dolumina eta elkartasuna helarazi nahi dizkie senideei eta adiskideei, eta espero du zauritutako pertsonak ahalik eta lasterren sendatzea. 

   

Azkoitia Lagunkoiak topaketa antolatu du asteazkenerako herritarren iritzia jasotzeko

Kontuz, leiho berrian zabalduko da PDF fitxategiaInprimatuE-posta

2018/05/14, Astelehena - 12:22

IMG 6520

Azkoitia Lagunkoiak topaketa antolatu du asteazken honetarako, maiatzaren 16rako. Hitzordua goizeko 10:00etan Elkargunean izango da eta talde sustatzaileak herritarrak animatu nahi ditu bertara joan eta euren iritzia ematera eguneroko bizitzan eragina duten hainbat arloren inguruan. Gaur aurkeztu dute ekimena taldeko kide diren Nekane Plazaolak eta Jose Mari Floresek eta Nekane Larrañaga Ongizate zinegotziak.

Azkoitia Lagunkoiak, Udalarekin elkarlanean, inkesta bat burutu zuen iaz eta ia 600 lagunek parte hartu zuten galderei erantzunez. Orain, emaitzak partekatu eta beste urrats bat eman nahi du talde eragileak aurrera egiteko. Inkesta bidez, gainera, jendeak parte hartzen jarraitzeko prestutasuna agertu zuen eta guzti haiei ere gonbidapena luzatu nahi zaie.

   

Izarraitz Lanbide Heziketa zentroak indartuta ekingo dio datorren ikasturteari, eskaintza lan merkatura egokituta

Kontuz, leiho berrian zabalduko da PDF fitxategiaInprimatuE-posta

2018/05/11, Ostirala - 14:18

IMG 6287

Udaletako, Iraurgi Berritzeneko, Glual eta Juaristi enpresetako eta Izarraitz Lanbide Hezieta zentroko ordezkariak.

Izarraiz Lanbide Heziketa zentroak fase berri bati ekin zion iazko ekainean Urola Ikastola Azkoitia-Azpeitia BHItik bereizita, hain justu, identitate propioa hartu eta Lanbide Heziketako eskaintza indartzeko xedez. Urola Erdiko Udalek, enpresek, Iraurgi Berritzenek eta, nola ez, zentroak berak, sekulako ahalegina egin dute eskolako formakuntza eskaintza lan merkatura egokitzeko, alegia, ikaslegoaren profila eta enpresek behar dituzten langileen profilen ezaugarriak parekatzeko. Bide horretan, jauzi bat eman da eta gaur jakinarazi dute arduradunek azken berria. Datorren ikasturtetik aurrera, ziklo berri bat jarriko da martxan: Mekatronika Industriala. Eduardo Sudupe eskolako zuzendariak esan duen moduan, makinen muntaia eta mantenimendurako prestatzen dira ikasleak ziklo berri honetan.

   

Udaleko Gazteria sailak aisialdiko begirale ikastaroa antolatu du Azkoitian

Kontuz, leiho berrian zabalduko da PDF fitxategiaInprimatuE-posta

2018/05/11, Ostirala - 08:46

BEGIRALE KARTELA 1 1

Azkoitiko Udaleko Gazteria sailak, Gazteria zerbitzuen bitartez, Aisialdiko Begirale Ikastaroa antolatu du Azkoitian. Lehenbiziko aldia da begirale titulua lortu ahal izateko horrelako ekimen bat martxan jartzen dela herrian bertan.

Ikastaroa 310 ordukoa da. 150 ordu teorikoak izango dira eta beste 160, praktikoak. Ekainaren 25etik uztailaren 27ra emango da ikastaroa Elkargunean, Egunean sei orduko saioak izango dira. Partaideek lortuko duten begirale titulua Eusko Jaurlaritzak emandakoa izango da. Kurkudi eskola arduratuko da ikastaroaz.

   

orrialdea: 8 / 373

<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut