Berriak

Berriak

Moby Dick ikuskizuna eskainiko da larunbatean Baztartxon, 18:00etan

Kontuz, leiho berrian zabalduko da PDF fitxategiaInprimatuE-posta

2018/01/24, Asteazkena - 14:53

gorakada moby dick 2015 1138 copia 2048x1365

Teatro Gorakadaren eskutik, eta sei urtetik gorako  guztiei zuzenduta, Moby Dick ikuskizuna eskainiko da larunbatean, urtarrilaren 27an, Baztartxo Antzokian. 18:00etan izango da eta sarrerak 4 eurotan egongo dira salgai.

Teatro Gorakadaren arabera, Moby Dick ikuskizunean “literatura unibertsaleko artelan honen handitasuna nolabait islatzen saiatu gara. Eleberria osorik eszenaratzen ahalegintzea zentzugabea eta handizaleegina izango litzateke. Hala ere, jolas egin eta gure imajinazioa martxan jartzekoa aukera paregabea dugu, gure gazteak itsasoaren, kaxaloteen eta pertsonaien gorabeheretan murgiltzeko”. 

   

Ainhoa Arruabarrena psikologoa: “Bullyingarekin zuzenean lotzen ez diren moda berriak ari dira sortzen gaztetxoen artean”

Kontuz, leiho berrian zabalduko da PDF fitxategiaInprimatuE-posta

2018/01/24, Asteazkena - 10:37

Ainhoa Arruabarrena “Bullyingarekin zuzenean lotzen ez diren moda berriak ari dira sortzen gaztetxoen artean. Esaterako, whatsapp talde batean sartzeko probak egin beharra izatea, adibidez, Instagramera ez dakit ze argazki igotzea”. Beste praktika bat da urtebetetzeetan zoriontzeko norbait gaizki agertzen den argazkiak argitaratzea. Teknologia berriek eta sare sozialek ematen dituzten aukerak onerako eta txarrerako izan daitezke. Zer egin horrelako jarrerak prebenitzeko? Nola esku hartu? Horretaz arituko da Ainhoa Arruabarrena psikologoa ostegunean, urtarrilaren 25ean, Elkargunean 18:30ean.

   

Ibai-Ondo eta Xabier Munibe kaleak ibilgailuentzat itxita egongo dira astelehenean eta asteartean

Kontuz, leiho berrian zabalduko da PDF fitxategiaInprimatuE-posta

2018/01/19, Ostirala - 15:06

errepidea itxita

Ibai-Ondo eta Xabier Munibe kaleak ibilgailuentzat itxita egongo dira astelehenean eta asteartean, hau da, urtarrilaren 22an eta 23an. Zebra-bideen konpontze lanek eraginda itxiko dira bi errepideak.

Astelehenean fresaketa eta asfaltatze lanak burutuko dituzte eta asteartean, pintaketa lanei ekingo zaie. Hiru zebra-bide berrituko dira. Bi Ibai-Ondo kalean eta bat, Xabier Muniben.

Alternatiba gisa, herrigunera doazen ibilgailuak Plaza-Berritik barrena desbideratuko dira. Jausoro eta Altzibartik datozenak, berriz, bariantea erabili beharko dute edo Aingeru kaletik sartu.

Litekeena da lanak burutzen ari diren bitartean, gune edo kale bat libre geratzea. Kasu horretan, Udaltzainek kale bat edo bestea puntualki ireki dezakete. Edozein kasutan, ahalegina egingo da normaltasuna lehenbailehen berreskuratzeko. 

   

“Ignaziotar Lurraldea” proiektuak Bikaintasuneko Europar Helmuga saria jaso du Fitur azokan

Kontuz, leiho berrian zabalduko da PDF fitxategiaInprimatuE-posta

2018/01/18, Osteguna - 11:03

7939949d fc35 4870 9d48 612379c0d8f1

Azkoitiko eta Azpeitiko udal ordezkariak pozik aitortzarekin Fitur azokan. 

Urola Erdiko, Urola Garaiko eta Debagoieneko arduradunek EDEN saria jaso dute Madrilen “Ignaziotar Lurraldea. Ignaziotar bidearen hasiera” proiektuarengatik. Urola Erdiaren ordezkari gisa bertan izan dira Azkoitiko eta Azpeitiko alkateak, Javier Zubizarreta eta Eneko Etxeberria, eta bi udalerrietako zinegotziak, Ana Azkoitia eta Agustin Lizarralde. 

Aitorpen honek gure bailara europar kultura mapa turistikoan kokatzen du.

Ignaziotar Lurraldea hiru bailaretako garapen agentziek elkarlanean garatutako egitasmoa da. Iraurgi Berritzenekin batera, Uggasa eta Debagoeineko Mankomunitatea 1997tik ari dira lanean eta etengabeko bilakaera izan du proiektuak. Hain justu, bailaren arteko lankidetza modu positiboan baloratu da sarietan, jasangarritasunarekiko eta kultur ondarearen kontserbazioarekiko erakusten duen konpromisoa bezala.

   

orrialdea: 9 / 440

<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

AGENDAN DATOZENAK


www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut