Berriak

Berriak

Apirilaren 28ko udal osoaren ohiko bilkurarako gai zerrenda

Kontuz, leiho berrian zabalduko da PDF fitxategiaInprimatuE-posta

2017/04/27, Osteguna - 11:51

Apirileko udal osoaren ohiko bilkura bihar izango da, apirilak 28, arratsaldeko 17:45ean. Hona gai zerrenda:

1.-Aurreko bilkurako aktaren onespena, hala badagokio.

2.- Ikuskizun publikoak, noizbehinkako aisialdi jarduerak eta aisialdi erabileren zein egoitza izaerako erabileren arteko bizikidetza arautzen dituen Ordenantzaren hasierako onespena.

3.- Azkoitiko Udalaren eta Euskadiko Etxebizitza eta Lurra, E.A. (VISESA) Sozietate Publikoaren arteko Konpromiso Akordioaren onespena, Kale Nagusia 80ko eraikina birgaitzeko eta babes publikoko etxebizitzak sustatzeko.

4.- Kreditu transferentzia bidez kredituak aldatzeko 2 zenbakiko espedientearen onespena.

   

Xabier Munibe Haurreskolan maiatzaren 2an zabalduko dute matrikula epea

Kontuz, leiho berrian zabalduko da PDF fitxategiaInprimatuE-posta

2017/04/26, Asteazkena - 11:49

Matrikulazio kartela

Xabier Munibe Haurreskolan irailetik aurrera hasi nahi duten haurrek, maiatzean egin beharko dute matrikula. Edonola ere, aurtengo ikasturtea amaitu bitartean ere haurra matrikula daiteke.

Matrikula epea, maiatzaren 2tik 12ra (biak barne) izango da. Haurra matrikulatzeko jaiota egotea beharrezkoa da eta ikasturtea hasteko gutxienez 16 aste izan behar ditu.

Matrikulazio inprimakiak jasotzeko edo informazioa osatzeko, interesa dutenek ateak zabalik dituzte haurreskolan, Auzmendi bidean. Bestela, 943 08 07 37 telefonora deitu harremanetan jartzeko. 

Hezkuntza eskaintza:

Azkoitiko “Xabier Munibe” haurreskola 8 gelaz osatuta dago eta 0-2 arteko haurrei zuzenduta dago. 0-1 urteko gela 8 haurrez osatua egoten da eta 1-2 urteko gela 13 haurrez. Bakoitzak  2 hezitzaileren laguntza izaten du.

Haurreskola goizeko 7:30etik arratsaldeko 17:30 arte zabalik egoten da eta bertan bazkaltzeko bi aukera daude: etxetik termo bidez eramatea edo katering zerbitzua erabiltzea.

“Gure haurreskola hezitzailea da, haurren oinarrizko beharrak asetzeaz gain, txiki-txikitatik beste hainbat arlo lantzen baitira: sozializazioa, balore eta arau ezberdinen barneratzea, autonomia, oreka emozionala, komunikazioa, e.a. Material aberats zein ezberdinen bidez, Azkoitiko haurreskolan haurren garapen kognitibo  eta psikologikoa lantzen dugu. Izan ere, pertsona  bakoitzaren izakera haurtzarotik garatzen  hasten da”, diote arduradunek.

otsaila 004

otsaila 008

   

Memoria historikoa: Gerra Zibilean kanporatuak izan ziren emakumeei aitortza

Kontuz, leiho berrian zabalduko da PDF fitxategiaInprimatuE-posta

2017/04/26, Asteazkena - 10:58

MEMORIA kartela 30x60 Azkoitiak gerra zibilean kanporatuak izan ziren emakumeak gogoratuko ditu memoria historikoa osatzeko saiakera eginez eta isilik eta ezkutuan mantendu diren bizipenen protagonista anonimoei merezitako tokia emanez.

Bakea  eta elkarbizitza aldarrikatuz, berriro inorri, inon, gerta ez dakion, Udalak aitorpen ekitaldi bat antolatu du gizonak frontean zituzten bitartean, euren etxeak abandonatu eta noraezean ihes egin behar izan zuten emakumeak oroitzeko.

Memoria berreskuratzea historia errepikatu ez dadin. Mezu horrekin gogoratu nahi ditu Udalak, jasotako datuen arabera, 1937an Azkoititik kanporatuak izan ziren 29 emakumeak. Haiekin batera beste 32 ume atera ziren ihesean. Horretarako bi hitzordu antolatu dira.

   

Dantzari Txiki Eguna ospatuko da igandean

Kontuz, leiho berrian zabalduko da PDF fitxategiaInprimatuE-posta

2017/04/26, Asteazkena - 10:52

DANTZARI TXIKI EGUNA KARTELA Igande honetan Dantzari Txiki Eguna ospatuko da Txalkor Txistulari Elkarteak antolatuta, Udalaren eta Floreaga Ikastetxeko IGE-AMPA guraso elkartearen  laguntzarekin. Dantzari eta musikarien artean 250 lagun baino gehiagok hartuko dute parte. 11.00etan kalejira egingo dute eta 11.45etik aurrera dantza erakustaldiak eskainiko dituzte Balda Plazan eta Eliza atarian, Herriko Plazan emanaldia eman aurretik.

Xabier Munibe ikastolako eta Floreaga Ikastetxeko Kandiola dantza taldeak eta Bizkargi Musika Eskolako dantza taldeak hartuko dute parte. 

   

orrialdea: 9 / 371

<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

AGENDAN DATOZENAK


www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut