Berriak
Familia barruko komunikazioa izango dute hizpide Guraso Eskolan
Gurasoei ezagutaraztea familia barruko komunikazioaren garrantzia eta jarraibideak ematea hori hobetzeko. Horixe da Udaleko Gizarte Zerbitzuen eskutik azaroaren 7an abiatuko diren Guraso Eskolako saio berrien helburua.
Adikzioak edota bullyinga eta ziberjazarpenaren prebentzioa landu izan dira aurreko edizioetan eta oraingoan komunikazioan sakonduko dute. Saioetan komunikazioak zer nolako eragina duen harremanetan azalduko da eta modu egokian gauzatzeko estrategiak eta baliabideak landuko dira, gurasoei orientabide gisa lagungarriak suertatuko zaizkienak, hain zuzen.
“Azkoitiko estanpak 1950-1968” argazki erakusketa ikusgai Torre Zuri aretoan
Josu Arroitajauregi Argazki Bildumako irudiek osatzen dute Torre Zuri aretoan ikusgai dagoen “Azkoitiko estanpak 1950-1968” argazki erakusketa. Udaletxeko artxibozaina den Imanol Mujika arduratu da erakusketaren antolaketaz Jose Valderrey argazki eta ikerlariarekin elkarlanean. Irudiek orain dela 50-70 urte inguruko Azkoitia eta azkoitiarren bizimodua nolakoa zen erakusten dute, orduko testigantza gaur egunera ekarriz.
Atzo inauguratu zen erakusketa eta azaroaren 18ra arte bisitatu ahalko da ostegunetik igandera bitartean. Ostegun eta ostiraletan 18:00etatik 20:00etara, larunbat eta jai egunetan 12:00etatik 14:00etara eta 18:00etatik 20:00etara- Igandetan, berriz, 12:00etatik 14:00etara.
Udal ordezkariak, Euskaraldiarekin bat
Gero eta gutxiago falta da Euskaraldia hasteko eta Azkoitiko Udalak beste bultzada bat eman nahi izan dio, ahobiziak eta belarriprestak aktibatzera eta herritarrak ekimenean parte hartzera gonbidatuz.
Helduen danborradako entseguak
Azaroaren 24an izango da aurten danborrada San Andres jaien egitarauaren baitan eta entseguekin datorren astelehenean, azaroaren 5ean, hasiko dira. Gurea pilotalekuan izango dira astelehenetan eta asteazkenetan 20:00etatik 21:00etara eta larunbatetan, 11:00etatik 12:00etara. Antolatzaileek gogorarazten dute norberak eraman behar duela danborra lotzeko gerrikoa.
Urriaren 31ko Udal Osoko Bilkuraren gai zerrenda
1.-Aurreko bilkurako aktaren onespena, hala badagokio.
2.- Kreditu gehigarrien bidez kredituak aldatzeko Azkoitiko Udalaren 4 zenbakidun espedientearen hasierako onespena.
3.- 2018 ekitaldiko 2 zenbakidun konpromiso kredituaren hasierako onespena.
4.- 2019 ekitaldirako Taxien tarifen onespena.
5.- Zubiaurre-Elkargune Institutuko EH Bildu udal taldeko ordezkariaren izendapena.
6.- EH Bildu udal taldeak pentsioei buruz aurkeztutako mozioa.
7.- Aurrekontuari buruzko informazioa.
8.- Galde-erreguak.
Argindarraren kontsumoen informazio egokia eskuratu eta kontrolatzeko saio praktikoa
Gipuzkoako Foru Aldundiko Ingurumeneko eta Obra Hidraulikoetarako Departamentuak, Azkoitiko Udalarekin elkarlanean, Gipuzkoa Argitu programaren baitan, elektrizitate-kontsumoari buruzko datua ezagutzeko eskubidea praktikan jarri eta hortik abiatuz erabaki egokiak hartzeko balio duten doako tailerra antolatu du azaroak 14, asteazkena, 18:30ean, Elkargunean.
Tailer praktikoan parte hartu nahi duten herritarrek, azaroak 12 baino lehen izena ematea beharrezkoa da, saioak aurrera egiteko ezinbestekoa baita aldez aurretik ikasleen kopurua ezagutzea. Horretarako, honako bideak erabil daitezke:
Posta elektronikoa bidaltzea ondorengo helbidera: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
Honako telefono zenbakira deitzea: 605757687
Informazio osagarria: www.gipuzkoaingurumena.eus/eu/argitu
Udalak irisgarritasuna hobetzeko dauden alternatiben azterlana aurkeztu die Floreagako bizilagunei
Hilabete batzuetako lanaren ostean, LKS enpresak Udalaren eskuetan jarri du Floreaga auzoko irisgarritasuna hobetzeko dauden alternatiben azterlana, alegia. Dokumentuak aukera ezberdinak jasotzen ditu bereizitako bost fasetan exekutatzeko. Bost esku-hartzeak batuta, proiektuan lau igogailu eta hainbat pasabide, arrapala eta zebra-bide berri eraikitzea proposatzen da irisgarritasun arazoei soluzioa jartzeko. Horrek denboren eta kostuen plangintza zorrotza egitea ere eskatzen du.
Javier Zubizarreta alkateak, LKS enpresako teknikaria bidelagun duela, gaur aurkeztu die alternatiben azterlana Floreaga auzoko bizilagunen ordezkariei. Bizilagunek “bileratik pozik“ atera direla adierazi dute. Emandakoa urrats garrantzitsua da baina ia bi milioi euroko proiektuaz ari gara. Hori horrela, Udalak argi du aurrera eramateko modu bakarra faseka garatzea dela, behetik gorantz soluzioak jarriz Aretxabaleta kaleraino iritsi arte.
Iruñean jazotako hilketa matxista gaitzetsi du Udalak
Iruñeko azken hilketa matxista gogor gaitzetsi du Udalak. Yolanda Jaen, 50 urteko emakumea atzo hil zen bikotekideak etxeari su eman ostean eragindako zaurien ondorioz.
Halaber, Udalak antolatzen diren gaitzespen ekitaldietan parte hartzera animatzen ditu herritarrak eta emakumeen kontrako indarkeria mota guztiak errotik desagertu bitartean sentsibilizazio eta prebentzio lanetan sendo jarraitzeko konpromisoa berretsi du.
| Al | Ar | Az | Og | Or | Lr | Ig |
|---|---|---|---|---|---|---|
|
7
| ||||||
|
8
|
10
| |||||
|
15
|
16
|
17
|
18
| |||
|
24
|
25
| |||||
