Berriak

Berriak

Bihartik hasita, ipuin kontalaria astero liburutegian

Kontuz, leiho berrian zabalduko da PDF fitxategiaInprimatuE-posta

2013/07/08, Astelehena - 07:54

ipuintx.pngIpuin kontalari bila ibili da Aizkibel Udal liburutegia, eta bilaketa horrek eman ditu bere emaitzak: bost herritar apuntatu dira uda honetan herriko ume zein helduei ipuinak kontatzeko. Eta bihar bertan (asteartea) hasiko dituzte emanaldiak: 18:00etan, Gurutz Garmendia arituko da eta ostegunean, ordu berean, Yamelli Prieto. Hortik aurrera, asteartero eta ostegunero izango dira emanaldiak udal liburutegian, eta herritarrak arituko dira ipuin kontalari. Horrez gain, aipatu beharra dago liburutegiko irisgarritasun arazoak konpontzeko, eraikineko atea aldatu duela Udalak.

   

Auzokonposta gunea handitu eta hirugarren talde bat jarriko da martxan

Kontuz, leiho berrian zabalduko da PDF fitxategiaInprimatuE-posta

2013/07/06, Larunbata - 01:00

auzokonposta.pngAuzokonposta pixkanaka-pixkana zabaltzen ari da Azkoitian. Gero eta herritar gehiagok eskatu dute parte hartzea, eta horri erantzunez, egun liburutegi ondoan dagoen gunea handitu eta liburutegi atzean beste eremu bat martxan jartzea erabaki dute Udalak eta Urola Erdiko mankomunitateak. Horri esker, auzo konposta egiteko hirugarren talde bat jarriko da martxan. Datorren asteartean (uztailak 9) egingo da hori kudeatzeko bilera, 18:30ean, Elkargunean, eta bertan jasoko dituzte azalpenak eta beharrezko materiala herritarrek. Bilera horretan autokonposta egiteko ikastaroa ere emango zaie, interesatuei. Eta herritarren ahalegina ari da aurreneko emaitzak ematen: aste honetan bertan bildu da dagoeneko martxan dagoen auzokonpostaguneko konpostaren lehen uzta, eta oso kalitate onekoa dela esan du mankomunitateak.
   

Hasi dira San Ferminak Azkoitian

Kontuz, leiho berrian zabalduko da PDF fitxategiaInprimatuE-posta

2013/07/05, Ostirala - 11:47

sanfermin.pngBihar botako dute txupina Iruñean, baina Azkoitian egun bat aurreratu eta gaur bertan egin dute festa. Uztaila Jolasean udaleku irekietan dabiltzan umeek 12:00etan puntuan bota dute suziria udaletxeko balkoitik, eta ordutik dantza eta jolas dabiltza plazan. Hemen dituzue festako argazki batzuk eta baita txupinazoaren uneko bideoa ere.
   

Andramaixetako proposamenak aztertzeko bilera egingo da datorren asteazkenean

Kontuz, leiho berrian zabalduko da PDF fitxategiaInprimatuE-posta

2013/07/05, Ostirala - 11:08

maigoiza1.png2013ko Andramaixetan herritarren parte hartzea indartzeko beste ahalegin bat egin nahi du Udalak. Horretarako, atal berezi bat jarri du udal webgunean, eta herriko leku esanguratsuenetan ere galdetegi bat jarri du, herritarren iritzia biltzeko. Horrez gain, datorren asteazkenean (uztailak 10), herriko talde, eragile eta norbanakoekin bilera ireki bat egingo du, gaia jorratzeko. Bilera Elkargunean izango da 18:30eam, eta bertaratu eta parte hartzera animatu nahi ditu herritar guztiak Udalak.

   

orrialdea: 415 / 480

<< Hasiera < Aurrekoa 411 412 413 414 415 416 417 418 419 420 Hurrengoa > Amaiera >>

www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut