Berriak

Berriak

Egurraren sektorearen erronkak aztergai, ostegunean, Iraurgi Berritzenek sustatuta

Kontuz, leiho berrian zabalduko da PDF fitxategiaInprimatuE-posta

2013/10/08, Asteartea - 08:15

enpresatopaketa1.pngEgurraren eta altzarien sektoreak bizi duen egoera zailari buelta nola eman. Hori da Urola Kidetuz proiektuaren helburua. Horretarako, bailara osoko eragileak sektorearen aukera berriak aztertzen ari dira, eta enpresen, banakako edo elkarren arteko proiektuak identifikatzen eta bultzatzen. Besteak beste, gizartearen zahartzeak sektoreari eskaini dakizkioken aukerak aztertu dituzte, eta hori lantzeko jardunaldi praktikoa egingo dute ostegunean CIDEMCOren egoitzan. Iraurgi Berritzen ekimen horretako sustatzaileetako bat da. Hemen duzue biharko enpresa topaketen inguruko eskuorria.
   

Ana Bastidak irabazi du eskaparate lehiaketa, 'Herria bizirik, herrian erosiz' proiektuarekin

Kontuz, leiho berrian zabalduko da PDF fitxategiaInprimatuE-posta

2013/10/07, Astelehena - 08:49

eskaparaateirabazle.pngAzkoitiko Udaleko Merkataritza sailetik herri gunea txukundu eta balorean jartzeko asmoz, ideien lehiaketa bat antolatu zuen uda hasieran,"Kale Nagusia: Merkataritza biziaren leihoa" izenarekin. Egitasmo horrekin Alde Zaharrari duintasuna eta bizitasuna eman nahi zaio, eta Udalaren asmoa da, aurrerantzean ere horrelako ekintzak bultzatzea, eta merkataritza eta turismoa uztartuz Azkoitia erakargarriagoa egitea. Eta lehiaketak badu irabazlea: Ana Bastida eta ATABE taldearen 'Herria bizirik, herrian erosiz' proiektua aukeratu du epaimahaiak eta proiektu horrek jantziko ditu Kale Nagusiko lokal hutsak. Bastidak berak azaldu duenez, bere lanaren helburua, "itxita zeuden komertzioak bizia hartu dutela irudikatzea da, jatorrizko negozioen errepresentazioa erabiliz eta inguruko guneei ingurunea biziberritzen lagunduz. Herri kontzientzia piztu, egunerokotasunean herrian erosi eta bizitzeak dituen onurez ohartaraziz. Udala, kaleak irudikatzea eta apanintzera animatuaz, herri bizi bat irudikatzeko gauza gutxi behar dela erakutziz". Helburu hori betetzeko hamar lokal huts bakoitza lelo eta kolore batekin irudikatu eta apainduko dituzte. San Andres egunerako amaituko dituzte lanak, eta orduan ikusi ahal izango dute emaitza herritarrek.

 

   

Astelehenean, "Lau hanketan eta oinez ibiltzen, erakutsi edo ikasi" hitzaldia haurreskolan.

Kontuz, leiho berrian zabalduko da PDF fitxategiaInprimatuE-posta

2013/10/05, Larunbata - 01:00


haurreskola.pngAzkoitiko Xabier Munibe haurreskolak urteroko usadioari jarraituz, 2013/14 ikasturteko lehen hitzaldia antolatu du, "lau hanketan eta oinez ibiltzen, erakutsi edo ikasi?" lelopean. Hizlaria Psikopedagogian lizentziatua dagoen Nerea Mendizabal izango daHaur bakoitzaren psikomotrizitate madurazio erritmoa errespetatzearen garrantziaz ohartuz, nola lagundu dezakegu haur batek lau hanketan egin dezan? Eta bere momentua iristen denean, oinez nola ikasten du ( erakutsi gabe )? Galdera hauek abiapuntutzat hartuta,hitzaldi honetan hausnarketa eta eztabaida bultzatuko da. Hitzaldia astelehenean (urriak 7), 18:00etan izango da, haurreskolan bertan.

 

   

500.000 euro Urola Erdiko herritarren esku utziko ditu Diputazioak 2014ko aurrekontuetan

Kontuz, leiho berrian zabalduko da PDF fitxategiaInprimatuE-posta

2013/10/04, Ostirala - 09:48

imagen-1.png

Gipuzkoako Foru Aldundia partaidetza prozesu bat ari da egiten herritarrek erabaki dezaten diru publikoa zertan inbertitu. Partaidetzazko aurrekontuak dira.   Azkoitian, urriaren 9an, Elkargunean 18:30ean egingo den aurkezpen-partaidetzazko tailerrera bertaratzera gonbidatzen ditu herritar guztiak Udalak. Zer dira Aldundiaren partaidetzazko aurrekontuak?  Aldundiaren aurrekontuen zati bat zertan erabiliko den erabakitzea herritarren partaidetzaren esku uztea da. Aurten esperientzia pilotu bat egingo da Urola Erdia eskualdean, eta asmoa da ekimen hori eskualde guztietara hedatzea hurrengo urteetan. Zein dira "jokoaren arauak"? "Jokoaren arauak" oso errazak dira: 500.000 euro xedatzen dira Urola Erdiko biztanleek zertan inbertitu erabaki dezaten, betiere Foru Aldundiaren eskumen propioetara egokitzen diren proposamenak izateko baldintzarekin (ez badira egokitzen, proposamen horiek dagokien administrazioetara bideratuko dira). Behin proposamen guztiak jasota, lehentasunak ezarriko dira partaidetzazko eskualdeko batzar batean, eskualdearentzat beharrezkoenak eta mesedegarrienak direnak zehazteko. Ondoren, ebaluazio tekniko bat egingo da horien bideragarritasun juridikoa eta ekonomikoa zehazteko. Azkenik, informazioa emateko eskualdeko batzarra egingo da, Aldundiaren aurrekontuaren zati bat osatuko duten behin betiko proposamenen berri emateko.

Nola parte har dezaket? Zure proposamenak egiteko etxean jaso duzun fitxa bete dezakezu eta  udaletxean, liburutegian edota kiroldegian utzi, postontzietan. Internet bidez ere bidali dezakezu: www.aurrekontuahobetzen.net. Proposamenak jasotzeko epea URRIAREN 17an amaituko da.

 

   

orrialdea: 370 / 451

<< Hasiera < Aurrekoa 361 362 363 364 365 366 367 368 369 370 Hurrengoa > Amaiera >>

www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut