Berriak "Etxe Argiak", elektrizitate kontsumoa murriztea helburu

"Etxe Argiak", elektrizitate kontsumoa murriztea helburu

Kontuz, leiho berrian zabalduko da PDF fitxategiaInprimatuE-posta

ETXE ARGIAK Kartela v1 EUS ERD Urola Erdiko Energia Planaren baitan kokatzen den kanpaina, eskualdeko bizilagunei zuzenduta, eta elektrizitate kontsumoa murriztea zein herritarren zaurgarritasun energetikoa ekiditea helburu duena.

Iraurgi Berritzenek, eskualdeko Udalekin elkarlanean, "Etxe Argiak" ekimena plazaratzen du. Ekimen hau eskualdeko biztanleei dago zuzenduta eta etxebizitzetan egiten den energia kontsumoaren gakoak hobeto ezagutzea du helburu, baita zaurgarritasun energetikoaren errealitatea ezagutzea eta berau ekiditeko neurriak hartzea.

Urola Erdiak urteak daramatza energia burujabetasunaren alde lan egiten. Horretarako Plan zehatz bat egin zen zeinetan eskualdeko eragile eta herritar ezberdinek parte hartu zuten. Planak hainbat erronka jasotzen ditu, horien artean eraginkortasuna eta aurrezkian oinarritutako kultura energetiko berria bultzatzea eta ahultasun energetikoa murriztea daudelarik.

Orain abian jartzen den ekimen honek ildo horietan aurrerapausoak ematen eta eskualdeko eredu energetiko berriranzko bidea jarraitzen lagunduko du.

Zergatik Etxe Argiak?

"Etxe Argiak" izenarekin ekimenak berak batzen dituen bi kontzeptu uztartu nahi izan dira: batetik, energia kontsumo arduratsua eta adimentsua egiten duten etxeak eta, bestetik, egoera larrian egon daitezkeen etxe argiztatuak.

Etxe Argia izateak zer suposatzen du?

Ekimen honetan parte hartu nahi duten etxeei, lehenik eta behin, bisita energetiko bat egingo zaie, hau da, pertsona bat euren etxera joango da eta haiekin batera zer nolako energia kontsumoa duten aztertuko da.

Informazio horretan oinarrituta, energia plan pertsonalizatu bat egingo zaie, non kontsumoa murrizteko eta eraginkorragoa egiteko ekintzen proposamen sorta bat proposatuko zaien. Lau hilabete emango dira ekintza horiek martxan jartzeko eta, denbora horretan zehar, hainbat aholku eta jardunbide on azalduko zaizkie.

Azkenik, lau hilabete ondoren, etxebizitza bakoitzaren emaitzak aztertuko dira eta etxe bakoitzak bere emaitzak azaltzen dituen txosten bat jasoko du.

Nola egin Etxe Argia izateko?

Ekimen honetan parte hartzea erraza da eta bide ezberdinak ireki dira izena eman ahal izateko: 943026069 telefonora deituz (Iraurgi Berritzen),  Helbide elektroniko honek spam bot-en kontrako babesa du. Ikusteko Javascript-a aktibatu behar duzu  posta elektronikora idatziz ala norberaren udaletxera hurbilduz.

Izena emateko epea azaroaren 21ean amaituko da.

OHARRA: ekimenerako kontsumo datuen jasoketa on-line plataforma batean oinarrituko denez, ezinbestekoa da posta elektroniko eta interneterako konexioa izatea.

Iruzkina gehitu


Segurtasun kodea
Freskatu

AGENDAN DATOZENAK


www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut