Berriak Datuak babesteko araudiaren inguruko hitzaldia emango die bihar Iñaki Uria aholkulariak merkatariei

Datuak babesteko araudiaren inguruko hitzaldia emango die bihar Iñaki Uria aholkulariak merkatariei

Kontuz, leiho berrian zabalduko da PDF fitxategiaInprimatuE-posta

ikastaroak 2017 1 Indarrean sartu arren, Datuak Babesteko Araudi Orokorra 2018ko maiatzaren 25etik aurrera aplikatuko da. Baina, badakigu zer den eskatzen duena eta nola bete? Erantzunak emate aldera, Udaleko Euskara zerbitzuak formakuntza saio batzuk antolatu ditu merkatari eta ostalariei zuzenduak eta bihar emango zaio hasiera egitarauari Iñaki Uriaren eskutik. Datuak babesteko araudiaz arituko da aholkularia eta besteak beste, kasu praktikoak azalduko ditu eta baita derrigorrez hartu beharreko konpromisoak zeintzuk diren argitu ere. Izan ere, araua bete ezean ezar daitezkeen zigorrak 900 eta 600.000 euro artekoak izan daitezke. Saioa bihar, azaroak 7, Elkarguneko Oteiza aretoan izango da 15:00etatik 16:00etara bitartean.

Gure datu pertsonalak babesteko eskubidea herritar guztion oinarrizko eskubidea da baina badirudi gero eta gehiago jartzen ditugula ikusgai. Informazio horrek balio handia du enpresentzat, euren produktuen publizitatea edo salmenta errazten duelako. Edonola ere, noiz urratzen du establezimendu batek araua? Esaterako, eska diezaioke dentista edo estetika zentro bateko arduradunak telefono zenbakia bezeroari eta gorde? Edota deskontuak eta opariak zozketatzen direnean eska daiteke telefonoa? Erabil dezakete nire argazkia?

Arauak agintzen duena da beti, kasu guztietan, pertsonaren baimena behar dela eta baimen hori behar bezala erregistratu behar dela eta egiaztagarria izan. Gauza bera gertatzen da, adibidez, curriculum vitae-kin. Araudiak informazio horren tratamendurako prozedura bat definitzen du.

Asko dira xehetasunak eta gaian sakontzeko aukera izango da bihar Iñaki Uriarekin.

Hitzaldi honetaz gain Facebook eta Instagramen inguruko ikastaroak eskainiko dira. Informazio gehiago jasotzeko deitu 943 85 71 75 telefonora edo idatzi Helbide elektroniko honek spam bot-en kontrako babesa du. Ikusteko Javascript-a aktibatu behar duzu -era

Iruzkina gehitu


Segurtasun kodea
Freskatu

AGENDAN DATOZENAK


www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut