Berriak Mitra Farahani artista iraniarraren eskutik dator Donostia 2016ren “Bake Ituna” proiektua Azkoitira

Mitra Farahani artista iraniarraren eskutik dator Donostia 2016ren “Bake Ituna” proiektua Azkoitira

Kontuz, leiho berrian zabalduko da PDF fitxategiaInprimatuE-posta

IMG 4860

Donostia 2016 Europako Kultur Hiriburuko proiektu esanguratsuenetarikoa da “Bake Ituna” eta Azkoitira Mitra Farahani artistaren eskutik iritsiko da irailaren 10ean. Atzo aurkeztu zuten Farahani margolari eta zinemagilea Azkoitirako egiten ari den lana “Aldiriak” atalaren barruan. Iraniarrak haur soldaduen sakrifizioaren ikonografian oinarrituta bi mural egingo ditu eta Parrokian egongo dira ikusgai urriaren 16ra bitartean. 

Aurkezpenean izan ziren Donostia 2016ko zuzendari Pablo Berástegui, “Bake Ituna”ren komisario Pedro G. Romero eta Juan Luis Moraza. Udal ordezkari gisa, Azpeitiko eta Azkoitiko kultur zinegotziak izan zituzten bidelagun, Josu Labaka eta Sonia Vázquez, ekimenaren laguntzaile eta koordinatzaileekin batera.

Vázquezek eskertu zien  “itsu itsuan Donostia 2016 proiektua hiriburura mugatu ordez, herrietara zabaltzeko ahalegina”. Elkarbizitzarako kultura zabaltzea da helburua eta bide horretan arteak duen zeresanaren lekuko izango da Azkoitiko herria.

“Le recyclage moderne des enfants sacrés”

Mitra Farahanik “Le recyclage moderne des enfants sacrés” izenburupean egindako lana Parrokian hil honen 10ean inauguratuko da goizeko 11:30ean. Farahank azaldu du bere lanari erreferentzia eginez, haur sakrifikatuen inguruan dauden mito erlijioso edo paganoak hor dauden arren, gerra modernoen testuinguruan, Erdialdeko Ekialdean batez ere, oharkabean berpizten ari dela figura “sakratu” hori, “bertsio mitologiko eta antzinakoetan bezainbesteko distira duten indarkeriazko ekintzen erdian. Haur soldaduaren, haur suizidaren edo haur esklaboaren ezaugarrien atzean –haur esklaboak gaur egungo santu eta martirien irudikapen gorena izango lirateke-, kausarik eta aberririk gabeko belaunaldi bat dago, egiazko gurasorik ez duena, Estatuaren eta horren boterearen indarkeriari aurre egiten diona, botere dibino zein profanoari, profanatzaile ere badena, nazioarteko terrorismoaren kasuan”.

IMG 4883ret

Mitra Farahani

Teheranen jaio zen (Iran), eta Paris nahiz Erroma artean bizi da, eta bereziki hiri horietan egiten du lana. 2001ean zuzendu zuen bere lehen dokumentala, Juste une femme. Film hartan, Irango transexualitatearen gaia jorratu zuen. Filma Berlingo Zinema Jaialdirako hautatu zuten. Gero, Zohre et Manouchehr/Tabous pelikula zuzendu zuen eta ondoren Behdjat Sadr, Le Temps suspendu. 2009ko azaroan, Nantesko Le Lieu Unique-ren Hiru Kontinenteen Jaialdian, artelan plastikoen diziplina anitzeko erakusketa zabaldu zuen. 2012an, Fifi hurle de joie film luze dokumentala zuzendu zuen, Irango arte moderno eta garaikidean figura mitikoa den Bahman Mohassess artistari buruzkoa. Hainbat zinema-jaialditan parte hartzeko hautatu zuten filma: Berlin (2013), Telluride, New York eta Parisko Cinéma du réel.

2014an, Parisko Arte Modernoaren Museoan eta Erromako MAXXI Museoan jarri zituzten ikusgai bere David et Goliath n°45film laburra (Villa Borghesen filmatua) etabere Prends ma tête et arrête de me prendre la tête marrazki-seriea, «Unedited History» erakusketaren barruan. 2015ean, Frantziako Akademiaren beka bat jaso zuen Erroman, Villa Medici (2014-2015), eta, horri esker, bere hurrengo filmerako gidoia idazten ari da, bai eta bukatzear daukan A Vendredi Robinson proiektua zuzentzen ere. 

Iruzkina gehitu


Segurtasun kodea
Freskatu

AGENDAN DATOZENAK


www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut