Berriak Irakurle Taldea sortzeko ekimena martxan jarri dute Azkoitiko Udalak eta liburutegiak

Irakurle Taldea sortzeko ekimena martxan jarri dute Azkoitiko Udalak eta liburutegiak

Kontuz, leiho berrian zabalduko da PDF fitxategiaInprimatuE-posta

irakurle.png 'Zilarrezko arraintxoak' irakurle taldea sortzeko ekimena martxan jarri dute Azkoitiko Udalak eta Aizkibel Liburutegiak elkarlanean. Irene Elortzak bideratuta, literaturaz solasean aritzeko eta eztabaidarako gunea izango da (euskal literatura, itzulpenak, garai eta genero desberdinetakoak... ). Hileko azken asteazkenero izango da hitzordua, 19:00etatik 20:30era, Aizkibel Udal liburutegian. Lehendabiziko saioa (irailaren 23an,  asteartean) baina, berezia izango da. Iñigo Aranbarri idazle azkoitiarrak bere azken nobelaz, 'Apirila: nobela baten zainak izenburuko hitzaldia emango baitu liburutegian'. Izan ere, Irakurle Taldeari proposatuko zaion aurreneko liburua horixe bera izango da, Apirila (Susa, 2014).

Honako programazioa prestatu dute datorren urtarrilera bitartean:

 


 

* Hitzaldia: Irailak 23, asteartea, 19:30ean Aizkibel Liburutegian: Iñigo Aranbarriren hitzaldia:
'Apirila: nobela baten zainak. (1766ko Azkoiti-Azpeitiko matxinada)'.
* Solasaldiak:
- URRIAK 29: Apirila, Iñigo Aranbarri (Susa, 2014)
- AZAROAK 26: Zorion handiegia, Alice Munro (Meettok, 2012)
- ABENDUAK 17: Gauzak, Georges Perec (Igela, 2014)
- URTARRILAK 28: Kristalezko begi bat, Miren Agur Meabe (Susa, 2013)

‘Zilarrezko arraintxoak' izena izango du Irakurle Taldeak. Zilarrezko arraintxoak terminoa 'Thysanura' intsektuak izendatzeko ere erabiltzen da. Paper-jaleak dira intsektu horiek, eta horregatik jarri diote izen hori Azkoitiko irakurle taldeari, "liburu paper-jaleak bildu nahi dituelako", adierazi du Irene Elorzak. Irakurle Taldeko kideek hilero jasoko dute saioari buruzko informazioa eta blog bat ere sortuko da proposatutako liburu eta egile bakoitzaren ingurukoak bildu asmoz.
"Irakurtzea banakako ekintza izanik, literatura solasaldiak esperientzia hori besteekin partekatzeko aukera ematen du. Moderatzailea egonda gainera, aberasgarriagoa izan daiteke liburuaren arlo desberdinak aztertzea; eta, nola ez, euskaraz irakurtzeko ohitura indartzeko", esan du Aizkibel Udal Liburutegiko arduradunetako bat den Karmen Arrietak.

Irakurle Taldean parte hartu nahi dutenek Aizkibel Liburutegian edo bertako telefonora deituta eman dezakete izena: 943 850898.

• Egutegia 2015ean: Hileko azken asteazkenetan, 19:00etatik 20:30era.

- Otsailak 25
- Martxoak 25
- Apirilak 29
- Maiatzak 27
- Ekainak 24: Ekitaldi berezia

Iruzkina gehitu


Segurtasun kodea
Freskatu


www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut