Berriak

Berriak

"Azkoitia Osasuntsua, Azkoitia Bizia": familiekin saio irekia eta galdeketa egingo dira

Kontuz, leiho berrian zabalduko da PDF fitxategiaInprimatuE-posta

2018/12/10, Astelehena - 12:44

Kartela Familiekon saioa slideAzkoitiko Udala parte-hartze prozesu bat bultzatzen ari da Adikzioen Prebentzio Komunitarioari buruzko Udal plana eta Azkoitiko Osasun Mahai Komunitarioa sortzeko asmoz.

Prozesu honen barruan, hurrengo asteetan hainbat ekintza burutu nahi dira, eta parte hartzea eskatzen dizuegu. Egingo diren ekintzen artean daude:

  • Familiekin saio irekiak, non joan den urrian 12 urte arteko seme-alabak zituzten Azkoitiko familiekin burutako gurasotasun baikorraren galdetegiaren emaitzak azalduko diren. Baita gurasotasun baikorraren garapenari buruz lan egitea komunitatearen osasunaren bultzapenaren ardatz moduan. Saioa, abenduaren 17an, astelehena, 18:00etan Elkargunean burutuko da. Aurre izena eman behar da. KLIKATU HEMEN IZENA EMATEKO , deitu 646 339 714 telefono zenbakira edo idatzi  Helbide elektroniko honek spam bot-en kontrako babesa du. Ikusteko Javascript-a aktibatu behar duzu  helbidera. 
  • Azkoitiko pertsona helduei zuzendutako galdetegia, beraien iritzia jakiteko osasuna bultzatzeko eta adikzioen prebentzioan egiten diren ekintzei buruz. Baita ere beraien hautematea jakiteko kontsumoen, adikzioen eta hauen arriskuen inguruan. Galdetegia anonimoa izango da. Udalaren web orrialdearen bitartez zabalduko da, , abenduan zehar burutuko da eta zuen parte-hartzea eskatuko da. KLIKATU HEMEN GALDETEGIA BETETZEKO Galdetegia betetzeko azken eguna abenduak 21 izango da. 
   

Energiari buruzko hitzaldia eskainiko da Plaza Ondo Jubilatuen elkartean

Kontuz, leiho berrian zabalduko da PDF fitxategiaInprimatuE-posta

2018/12/10, Astelehena - 10:05

HITZALDI energia Udalak eta Iraurgi Berritzenek antolatuta, abenduaren 12an, asteazkena, energiaren inguruko hitzaldia eskainiko da Plaza Ondo Jubilatuen Elkartean. Hitzordua 17:00etatik 18:30era izango da.

Energiaren inguruko heziketa saio horretan, besteak beste, energia gutxiago nola kontsumitu azalduko da eta horretarako dauden aholku praktikoak izango dira hizpide. Halaber, fakturetan agertzen diren kontzeptuak ere azalduko dira hobeto ulertzeko. Nahi dutenek fakturak eraman ditzakete eta bertan emango zaizkie dagozkion azalpenak. Bono sozialaren edota energiarekin loturiko gaien inguruko zalantzak eta galderak argitzeko ere balioko du saioak.

Hitzaldiaren ostean mokadutxo bat eskainiko zaie bertaratzen diren guztiei.

   

Ikuskizun dotorea eskaini du Emakume Master Cup txapelketak

Kontuz, leiho berrian zabalduko da PDF fitxategiaInprimatuE-posta

2018/12/09, Igandea - 15:02

IMG 6358

Aparteko giroa ikusi da gaur Gurea pilotalekuan. Emakume pilotariek sekulako maila erakutsi dute eta zaletuek erruz gozatzeko parada izan dute. Amaia Aldai eta Patri Espinar bizkaitarrak gailendu dira kantxan eta txapeldunorde geratu dira Oihana Orbegozo eta Olatz Arrizabalaga, promozio eta 1. mailan, hurrenez hurren. 22-8 eta 22-9 egin dute. Javier Zubizarreta alkateak jantzi die txapela irabazleei.

   

Aldez aurreko borondateen edo bizi testamentuaren inguruko hitzaldia

Kontuz, leiho berrian zabalduko da PDF fitxategiaInprimatuE-posta

2018/12/04, Asteartea - 18:23

Hurkoa hitzaldia Hurkoa Fundazioak, Udalarekin elkarlanean, aldez aurreko borondateen edo bizi testamentuaren inguruko hitzaldia emango du. Bizi testamentua agiri bat da eta bertan pertsona batek adierazten du zer osasun laguntza edo tratamendu jaso nahi dituen bere borondatea adierazteko gauza ez denean edo bere borondatea askatasunez azaldu ezin duenean, eta baita esaterako, hildakoan zer nahi duen egitea bere organoekin. Pertsona batek bere bizitzako azken fasean edo hil ondoren, zer nolako tratua jaso nahi duen jasotzen du agiriak.

   

orrialdea: 1 / 501

<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut