Berriak

Berriak

Hainbat ekintza antolatu ditu Udalak Indarkeria Matxistaren kontrako Nazioarteko Egunaren bueltan

Kontuz, leiho berrian zabalduko da PDF fitxategiaInprimatuE-posta

2017/11/20, Astelehena - 16:29

Indarkeria kartela 17 Genero indarkeriari aurre egitea guztion ardura delako, Azkoitiko Udalak hainbat ekintza antolatu ditu ostiralean, azaroaren 25ean,  ospatuko den Indarkeria Matxistaren kontrako Nazioarteko Egunaren bueltan. 

“Ezinbestekoa da gizarteak sufritzen duen gaitz honen aurrean, denok erantzun irmoa ematea, esan beharrekoa da ez dugula emakumeenganako indarkeriarik inolaz ere onartzen. Prebentzio eta sentsibilizazio alorretan lanean jarraitzen dugu”, dio Berdintasun zinegotzi Nekane Larrañagak.

   

Javier Zubizarreta alkatea: “Irribarre, besarkada edo musu batek ez du dirurik eskatzen"

Kontuz, leiho berrian zabalduko da PDF fitxategiaInprimatuE-posta

2017/11/19, Igandea - 15:34

IMG 0025

San Jose Egoitzak Adinduen Astea ospatu du azken egunotan eta amaiera emateko gaur Sendiaren Eguna izan da bertan. Bertako erabiltzaileen familiak eta udal ordezkariak joan dira bisitan eguna pozteko. Bazkari eder bat ere egin dute elkarrekin. Udaletxetik Javier Zubizarreta alkatearekin batera, Ana Azkoitia eta Janire Igoa zinegotziak izan  dira eta baita Iñaki Lasa Ongizate teknikaria ere. Nekane Plazaola egoitzako zuzendaria eta Foru Aldundiko Erakunde Publikoen zuzendari den Elena Basagoitia izan dituzte bidelagun egoiliarrei opariak banatzeko orduan.

   

Udalak Munategiko trafiko arazoei konponbidea jartzeko eskatu dio Foru Aldundiari

Kontuz, leiho berrian zabalduko da PDF fitxategiaInprimatuE-posta

2017/11/17, Ostirala - 11:53

f7b15f10 fe89 45d3 9ae4 b98774ca56ab

Azpeitiko eta Azkoitiko Udalek, Basarte industrialdeko ordezkaritzarekin batera, Foru Aldundiarekin bilera egin dute gaur goizean Munategin sortzen diren trafiko arazoei konponbidea jartzeko eskatzeko, ordu puntetako ilarak saihestu eta segurtasuna bermatu ahal izateko, Miguel Angel Bastida zinegotziak dioen moduan “puntu beltza” delako.

 “Basarte industrialdean –dio Bastidak- 350 langilek egiten dute lan eta gainera, gasolindegi bat ere badago. Horrek esan nahi du egunean 600 bat ibilgailu mugitzen direla eta lantegietako sarrera-irteera orduetan kotxe ilara handiak sortzen dira”.

   

Iraurgi Berritzen: Elkarrekin oraina eta geroa eraikitzen, bailara eraldatzen

Kontuz, leiho berrian zabalduko da PDF fitxategiaInprimatuE-posta

2017/11/16, Osteguna - 15:26

IMG 9801

Iraurgi Berritzenek gaur goizean Elkargunean bildu ditu erakundea osatzen duten hiru udaletako, Gipuzkoako Foru Aldundiko, hogei bat enpresetako eta ikastetxeetako ordezkariak elkarrekin martxan dituzten proiektuen balorazioa egin eta datorren urteko ekintza planean txertatu beharreko erronkak definitzeko. Azkoitiko, Azpeitiko eta Zestoako Udalen Berrikuntza eta Garapen agentziak urtero ospatzen dituen Topaketen XV. edizioa izan da gaurkoa.

“Soluzioak bilatzeko borondatea behar da, nahi bat egon behar du eta hori badago hemen, beraz koordinatzen joaten garen heinean, emaitzak iritsiko dira orain arte bezala”, esan du Javier Zubizarreta alkateak bertaratutako guztiei eskerrak ematearekin batera.

   

orrialdea: 1 / 416

<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

AGENDAN DATOZENAK


www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut