Euskaraldiarekin bat egin duen hamaikakoa

Euskaraldiarekin bat egin duen hamaikakoa

 Euskaraldiarekin bat egin duen hamaikakoa osatu da Azkoitian. Genero, adin eta esparru ezberdinetako hamaika herritar erreferentek osatu dute taldea. Helburua…

Gehiago...
Zortzi saltokik lortu dute “Lagunkoiak gara” zigilua

Zortzi saltokik lortu dute “Lagunkoiak gara” zigilua

Azkoitia Lagunkoiak sustatuta, herriko zortzi saltokik eskuratu dute “Lagunkoiak gara” zigilua. Aurrez, programa batean hartu behar izan dute parte. Bertan,…

Gehiago...
Omenaldi hunkigarria egin zaie Mintzalaguneko bidelagunei

Omenaldi hunkigarria egin zaie Mintzalaguneko bidelagunei

Euskararen arnasgune bilakatu zen atzo arratsaldean Udaletxeko batzar aretoa, Udalak eta Aek-k sustatuta, Mintzalagun programako euskaldun zaharrei egindako omenaldi ekitaldian.…

Gehiago...
Frontpage Slideshow | Copyright © 2006-2011 JoomlaWorks Ltd.

Udaletxeko fatxada nagusiko argiztapena estreinatuko da gaur gauean

Kontuz, leiho berrian zabalduko da PDF fitxategiaInprimatuE-posta

2018/07/20, Ostirala - 10:45

fatxada

Udalak fatxada nagusiko argiztapen berria estreinatuko du gaur gauean. Argiek eraikinari ikusgarritasuna ematen diote, etxearen presentzia eta protagonismoa nagusituz.

Edonola ere, esku-hartzeak, arrazoi estetikoetatik haratago, argiztapen ekologikoak dituen abantailak bilatzen ditu, eta nola ez, aurrezte energetikoa. Horregatik jarri dira, hain zuzen, LED teknologia erabiltzen duten argiak.

   

Udalak lau peoi kontratatuko ditu Lanbidek diruz lagunduta

Kontuz, leiho berrian zabalduko da PDF fitxategiaInprimatuE-posta

2018/07/20, Ostirala - 09:50

Enplegua sustatzeko abian den Urola Ekiten programaren baitan, Udalak Lanbidek diruz lagunduta, balio anitzeko lau peoi kontratatuko ditu. Hautaketa prozesua abian da. Izena emateko epea atzo zabaldu zen eta uztailaren 25ean itxiko da.

Kontratuen iraupenari dagokionez, lau peoietatik hiru sei hilabetetarako kontratatuko dira eta bat, hiru hilabeterako. Denak lanaldi osorako. Burutuko dituzten lanen artean daude mendietako sasi garbiketa edota mendiko pisten egokitzea, ateak eta hesiak konpontzea, landa-bideetako bidegurutzeetan seinaleak jartzea, iturriak konpontzea edota behatokiak prestatzea.

   

OHARRA: "Toc Toc" filmaren emanaldia Herriko plazan izango da gaur gauean

Kontuz, leiho berrian zabalduko da PDF fitxategiaInprimatuE-posta

2018/07/20, Ostirala - 09:41

Cartel Naturgy "Toc Toc" filmaren aire libreko emanaldia Herriko plazan izango da gaur gauean. Aurreikusita zegoen Jorge Oteiza Frontoietan egitea baina iragarritako eguraldi txarra dela-eta, planteamendua bertan behera geratu da. Alternatiba ezberdinak aztertu dira eta azkenean Herriko Plazara lekualdatzea erabaki da, bestela ez baitago pantaila edota materiala kaltetuko ez direnaren segurtasunik.

Herriko plazan biharko kontzeturako karpa jarrita dago eta bertan jarriko da pantaila. 21.30ean, Vicente Villanueva zuzendariak aurkezpena egingo du eta pelikula 22:00etan izango da. Emanaldia doakoa da. Barkatu eragozpenak. 

 

   

Tabernariek zerbitzu arduratsuaren inguruko formakuntza ikastaroa egin dute

Kontuz, leiho berrian zabalduko da PDF fitxategiaInprimatuE-posta

2018/07/20, Ostirala - 07:24

IMG 9881

Tabernariek zerbitzu arduratsuaren inguruko ikastaroa egin dute aste honetan. Helburua da ostalaritzako langileei jokabide protokoloak ezagutzera ematea alkoholaren eta gainerako drogen kontsumoari lotutako arriskuak murrizteko eta joera osasuntsuak sustatzeko.

Ekimena Udala prebentzio alorrean egiten ari den lanketaren testuinguruan sartzen da. Tabernariek prestutasun osoz hartu dute parte ekimenean.

Sei tabernek hartu dute parte formakuntza saioetan: Atraskua, Zurt, Latz, Zakela, Txalintxo eta Batzokia (taberna) dira establezimendu horiek.

   

Instalakuntza Duinak Orain! plataformako kideak eta udal taldeetako ordezkariak Foru Aldundian

Kontuz, leiho berrian zabalduko da PDF fitxategiaInprimatuE-posta

2018/07/19, Osteguna - 08:58

IMG 8303

Herri plataformako eta udal ordezkariak Goizane Alvarez, Foru Aldundiko Kirol Zuzendariarekin bildu dira aste honetan, uztailaren 17an. Igerilekuaren arazoa eta irtenbidea nola eman daitekeen izan zituzten hizketa-gai.

Instalakuntza Duinak Orain! (IDO) taldekoek bilera eskaria egin zuten Aldundian eta egun gutxira jaso zuten erantzuna hitzordua zehaztuz. IDO taldekoek udal taldeei bidali zieten bertan parte hartzeko gonbidapena eta guztiek agertu zuten interesa bertara agertu eta egitasmoari babesa emateko.

   

orrialdea: 1 / 378

<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

www.azkoitia.net
Azkoitiko Udala

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onrtzen dut